病

星期五食完lunch之後就開始有D唔書服, 頭嚨痛同feel到有少少發燒. 心諗, 唔係放假先來病呀.我仲要今個星期約左人交收.

番到屋企是旦煮左個烏冬食, 食緊野果時見到我部單車個後tire無啦啦無曬氣, 唔知幾時爆左tire. 不過諗住病左星期六都唔會去踩單車, 加上好累, 所以無理, 只係覺得好黑仔. 跟住食左幾粒藥就訓.

訓醒, 上左陣網, 食左個包, 食藥又訓過. 跟住去到2點半就出門口去交收, 過程都叫順利, 交收完又急急腳番屋企, 因為真係唔係好書服, 地鐵又多人, 番到屋企又食藥訓過. 訓到6點到起身, 見無野做又唔想再訓, 就試下幫部單車換tire, 點知搞極都搞唔到, 搞到勁灰, 唔知點好, 跟住放棄. 食完個面, 又搞過, 最後搞左好耐終於換好. 果刻幾有成功感, 不過其實人地單車鋪5分鍾就搞掂. 完上陣網, 食藥又訓過.

到今早起身已經退燒, 不過身體仲係feel到有少少唔書服, 怕凍. 今日又係下午約左人交收, 不過今次係屋企付近交收, 所以好快搞掂.

今個星期六日雖然病左, 但竟然感覺過得幾充實. 賣左2樣一直想賣既野, 清緊D野又可以拿番D錢, 又幫部單車換左tire, 跟住又收到之前我幫人買野個賣家email比我話件貨已經寄出左, 感覺上今個星期六日好似做左好多野. 黎緊我又打算買部新電腦, 最中意就係每次想買一樣新野果種感覺, 上網做下research, 出去格下價.